'தமன்னா, நீயெல்லாம் ஒரு வுமனா?' என்று அவரை அலட்சியப்படுத்திய சிலருக்கு இந்த செய்தி வேப்பங்காய் ஜூஸ்தான். சில கட்டாயங்களால் தமிழ் சினிமாவை விட்டே துறவறம் பூண்டு விட்டார் தமன். சமீபத்தில் கூட அவரை அப்ரோச் செய்த ஒரு இயக்குனருக்கு எஸ்.டி.டி போன் பில் தண்டமானதுதான் மிச்சம்.
கூகுள் மேப்பில் கூட தமிழ்நாட்டை சர்ச் செய்ய விரும்பாத தமன்னா அப்படியே பிளைட் ஏறி மும்பைக்கும் ஆந்திராவுக்குமாக டிராவல் செய்து கொண்டிருக்கிறார். இந்த நேரத்தில்தான் இவரைப்பற்றி பிரபல இந்தி நடிகர் ஹிருத்திக் ரோஷன் கொடுத்திருக்கும் ஒரு பேட்டி, தமன்னாவின் உள் மனசை உய்யலாலாவாக்கியிருக்கிறது.
ஹிம்மத்வாலா என்ற படத்திற்காக தற்போது மும்பையில் தங்கியிருக்கும் தமன்னாவை பற்றி பேசிய ஹிருத்திக் 'அவர் பார்பி பொம்மை மாதிரி பார்க்கறதுக்கு ரொம்ப அழகா இருக்கார்' என்று கூறியிருக்கிறார் அப்பேட்டியில்.
அந்த பேட்டியை ஸ்கேன் செய்து இங்கிருக்கும் சிலருக்கு மெயிலில் அனுப்பினாராம் தமன். அடுப்புல புரட்டி எடுக்கலேன்னா அல்வா உருவாகுமா? இந்த தகுதியை அடைய தமன்னா அடைந்த சங்கடங்கள் எத்தனையோ? ம்ஹம்ம்ம்...